இரவு சிக்கன் சாப்பிட உங்களுக்கு பிடிக்குமா? அப்ப இந்த செய்தி உங்களுக்குத்தான்... கவனமா இருங்க...!
- MSF.Nadhwa
- Category: உடல் நலம்
- Hits: 105
சத்தான உணவை உண்பது ஆரோக்கியமான வாழ்க்கை முறையின் அடிப்படையாகும். இருப்பினும் நாம் தேர்ந்தெடுக்கும் சரியான உணவுகளைப் போலவே, அவற்றை நாம் சாப்பிடும் நேரமும் முக்கியமானது. சில உணவுகள் ஊட்டச்சத்து நிறைந்தவையாக இருந்தாலும், அவற்றை இரவு நேரத்தில் உண்பது ஆரோக்கியமானதாக இருக்காது.
ஒட்டுமொத்த ஆரோக்கியத்திற்கும் நல்வாழ்விற்கும் இரவுநேர உணவு தேர்வுகளை கவனிக்க வேண்டியது மிகவும் முக்கியமானது. நாளடைவில், சில உணவுகள் நமது தூக்கம், செரிமானம் மற்றும் ஒட்டுமொத்த ஆரோக்கியத்தையும் பாதிக்கும். சில ஆரோக்கியமான உணவுகள் உள்ளன, அவை பகலில் சாப்பிட நல்லது, ஆனால் அவை இரவில் தீங்கு விளைவிக்கும். அவை என்னென்ன என்று இந்த பதிவில் தெரிந்து கொள்ளலாம்.
தயிர்
தயிர் பல நன்மைகள் நிறைந்த சத்தான உணவு என்பதில் சந்தேகமில்லை. பகலில் சாப்பிடுவதால், அதில் உள்ள நல்ல பாக்டீரியாக்கள் நமது செரிமானத்தை கவனித்துக் கொள்கின்றன. தயிர் நமது எலும்புகளை பலப்படுத்துவதுடன் நோய் எதிர்ப்பு சக்தியையும் அதிகரிக்கிறது.
இருப்பினும், இரவில் தயிர் சாப்பிடுவது உங்களுக்கு எதிர்மறை விளைவுகளை விளைவிக்கும். குளிர்ச்சியான தன்மையால் வயிற்றில் சளி உருவாவதும், வாயு உருவாவதும் பிரச்சனையாக இருக்கலாம்.
பழங்கள்
நோயாளியாக இருந்தாலும் சரி, ஆரோக்கியமான நபராக இருந்தாலும் சரி, பழம் அனைவருக்கும் பயனுள்ளதாக கருதப்படுகிறது. இருப்பினும், அவற்றை பகலில் சாப்பிடுவது ஆரோக்கியமானது. சூரிய அஸ்தமனத்திற்குப் பிறகு பழத்தை உட்கொள்வது தீங்கு விளைவிப்பதாகக் கருதப்படுகிறது.
ஏனெனில் அவை அதன் குளிர்ச்சியான தன்மை காரணமாக சளியை ஏற்படுத்தும். அவற்றில் கார்போஹைட்ரேட்டுகள் மற்றும் சர்க்கரை உள்ளது, இது இரத்த சர்க்கரையை அதிகரிக்கிறது மற்றும் தூக்கத்தில் குறுக்கிடுகிறது. மேலும், இரவில் அவற்றை சாப்பிடுவதால் வாயு மற்றும் மலச்சிக்கல் ஏற்படுகிறது.
சிக்கன்
சிக்கனில் அதிக அளவு புரதம் உள்ளது, இது ஜீரணிக்க நேரத்தையும் அதிக சக்தியையும் எடுக்கும். இதனால், இரவில் சாப்பிடுவது செரிமானம் ஆக நேரம் எடுக்கும், இதனால் தூக்கம் கெடும். ஒருவேளை நீங்கள் சிக்கன் அவசியம் சாப்பிட வேண்டும் என்றாலும் மிதமான அளவில் சாப்பிடுங்கள்.
கொழுப்பு உணவுகள்
இரவில் கொழுப்புச் சத்துள்ள உணவை உண்பதால், நமது செரிமான அமைப்பு இரவு நீண்ட நேரம் வரை செயல்பட்டு அதைச் செரிக்கச் செய்து, தூக்கத்தைக் கெடுக்கிறது. அதனால்தான், இரவில் கொழுப்பு நிறைந்த உணவுகளை சாப்பிடுவதைத் தவிர்க்க வேண்டும் என்று நிபுணர்கள் அறிவுறுத்துகிறார்கள்.
உளர் பழங்கள்
உலர் பழங்களில் அதிக அளவு கார்போஹைட்ரேட், சர்க்கரை, வைட்டமின்கள், தாதுக்கள் மற்றும் அனைத்து ஊட்டச்சத்துக்களும் உள்ளன, அவை அதிகாலையில் சாப்பிட்டால் நன்மை பயக்கும், ஆனால் மாலை அல்லது இரவில் சாப்பிட்டால், வயிற்று நொதிகளால் அவற்றை உடைக்க முடியாது. இதனால் கடுமையான செரிமானக் கோளாறு ஏற்படலாம்.