இறுக்கமான ஆடை அணிபவர்களை பல்வேறு நோய்கள் பீடிக்கும்

உடலில் ஏற்படும் பல நோய்களுக்கு ஆடைகளும் காரணமாக இருப்பதாக மருத்துவ அறிஞர்கள் கூறுகின்றனர். ஜீன்ஸ் போன்ற இறுக்கமான ஆடைகள் அணியும் போது அது நரம்பு மண்டலத்தையே பாதிப்பதாக நியூயார்க்கை சேர்ந்த நரம்பியல் நிபுணர் ஒர்லி அவிட்சூ கூறுகிறார்.

எந்த இடத்தில் அழுத்தம் அதிகமாக இருக்கிறதோ அந்த இடத்தில் மட்டும் அல்லாமல் முழு நரம்பு மண்டலமும் பாதிப்படைந்து அதனால் பல பிரச்சினைகள் ஏற்பட வாய்ப்பு உள்ளதாக அவர் கூறுகிறார். இதுமட்டும் அல்லாமல் ரத்த கட்டிகளும் ஏற்படும் என்று அவர் தெரிவிக்கிறார்.

அதேபோல கழுத்தை இறுக்கும் வகையில் ஆடை அணிவது, இருக்கமாக டை கட்டுவது போன்றவற்றால் உடலுக்கும் மற்றும் மூளைக்கும் செல்லும் ஆக்சிஜன் அளவு குறைந்து அதனாலும் பிற்காலத்தில் பாதிப்பு ஏற்படும் என்றும் மருத்துவ அறிஞர்கள் தெரிவிக்கின்றனர்.

ஆடைகளின் வண்ணங்கள் கூட உடலை பாதிக்க செய்யும் என்று கூறும் அவர்கள் மெல்லிய வண்ணம் கொண்ட ஆடைகளை அணிவதே நல்லது என்று தெரிவிக்கின்றனர்.