சரும பிரச்சனைக்கு தீர்வளிக்கும் வாழைப்பழம்!
- MSF.Nadhwa
- Category: அழகுக் குறிப்புகள்
- Hits: 321
அனைவரும் விரும்பி சாப்பிடக்கூடிய வாழைப்பழம் உடல் ஆரோக்கியத்திற்கு மட்டுமல்ல சருமப் பிரச்சனைகளுக்க்கு கூட நல்ல தீர்வாக உள்ளது.
எனவே சருமப் பிரச்சனைகளை தீர்க்க வாழைப்பழத்தை எப்படி பயன்படுத்த வேண்டும் என்பதை பற்றி பார்ப்போம்.
சரும வறட்சி நீங்க:
நன்கு கனிந்த வாழைப்பழத்தை மசித்து, அதனை முகம் மற்றும் கழுத்தில் தடவி, 25 நிமிடம் ஊற வைத்து, பின் வெதுவெதுப்பான நீரில் கழுவ வேண்டும். இதனால் சருமத்தில் உள்ள வறட்சி நீங்கும்.
பொலிவான சருமம் பெற:
மசித்த வாழைப்பழத்துடன் சிறிது தேன் சேர்த்து கலந்து, அதனை முகத்தில் தடவி மாஸ்க் போட்டு வந்தால், சருமம் பொலிவோடு பளிச்சென்று இருக்கும்.
கரும்புள்ளிகள் நீங்க:
மசித்த வாழைப்பழத்துடன், 2 டீஸ்பூன் எலுமிச்சை சாறு சேர்த்து கலந்து, முகம் மற்றும் கழுத்தில் தடவி 20 நிமிடம் ஊற வைத்து, பின் வெதுவெதுப்பான நீரில் கழுவ வேண்டும்.
சொரசொரப்பான சருமம் நீங்க:
வாழைப்பழத்தை மசித்து, அதில் சர்க்கரை சேர்த்து, அதை கொண்டு முகத்தை வட்ட வடிவில் ஸ்கரப் செய்து, முகத்தை கழுவ வேண்டும். இதனால் இறந்த செல்கள் நீங்கி, முகம் பளிச்சிடும்.
முதுமை தோற்றத்தைத் தடுக்க:
வாழைப்பழம் மற்றும் அவகேடோ பழத்தை மசித்து, அதை முகத்தில் தடவி 20 நிமிடம் ஊறவைத்து, கழுவ வேண்டும். இதனால் சருமத்தில் ஏற்படும் முதுமைத் தோற்றத்தை தடுக்கலாம்.
வீக்கமடைந்த கண்களுக்கு:
வாழைப்பழத்தை மசித்து, கண்களின் மேல் தடவி 15 நிமிடம் ஊற வைத்து, குளிர்ந்த நீரில் கழுவினால், கண்களைச் சுற்றியுள்ள வீக்கம் குறைந்து பொலிவாக இருக்கும்.