அழகில் அசத்தும் பொருட்கள்!
- Editor
- Category: அழகுக் குறிப்புகள்
- Hits: 207
மேக்கப் போடுவதற்கு நூற்றுக்கணக்கான பொருட்கள் இருக்கின்றன. அவற்றை வீட்டில் வாங்கி வைத்திருக்கலாம். ஆனால், வெளியே செல்லும்போது அனைத்தையும் கொண்டு போக முடியாது. அதனால், இந்த ஐந்து பொருட்கள் உங்கள் கைப்பையில் இருந்தாலே அழகில் அசத்தலாம்.
1. வெட் கிளென்சிங் டிஷ்யூ:
ஈரமாக இருக்கும் இது முகத்திலிருக்கும் அழுக்கு, தூசி ஆகியவற்றை சுத்தம் செய்ய உதவுகிறது. ஒரு நொடியில் முகத்தை கழுவியதுபோல சுத்தமாக்க இதற்கு இணை ஏதுமில்லை.
2. பவுன்டேஷன்:
பவுன்டேஷன் முகத்திலுள்ள மாசுகளை மறைத்து பொலிவான தோற்றத்தை தரும். மாய்ஸ்சுரைசர் மற்றும் சன்ஸ்கிரீன் உள்ள பவுன்டேஷனை தேர்ந்தெடுப்பது நல்லது. இது முகத்தை மிருதுவாக வைத்து வெயிலின் கதிர்களிலிருந்தும் முகத்தை பாதுகாக்கும்.
3. மஸ்காரா:
மிகவும் முக்கியமானது. முகத்தை அழகாக காட்டுவதில் கண்கள் முக்கிய பங்கு வகிக்கின்றன. கண்களுக்கு மஸ்காரா போடுவதால் ஒரு நொடியில் கண்களின் அழகை பலமடங்கு அதிகரித்து விடும். சிறிய கண்களையும் பெரிதாக தோன்ற வைக்கும் தன்மை மஸ்காராவுக்கு உண்டு.
4.லிப்ஸ்டிக்:
இது உதடுகளுக்கு புத்துயிர் கொடுத்து உதட்டை அழகாக காட்டும். உதடுகளுக்கும், கண் இமைகளின் மீது நிறத்தை சேர்க்க இது ஒன்றே போதும்.
5.காம்பேக்ட்:
மேக்கப்புக்கு முழு வடிவம் கொடுப்பது பவுடர். இதற்கு காம்பேக்ட்டை உபயோகிப்பதே சிறந்தது. கண்ணாடியுடன் கிடைக்கும் காம்பேக்ட்டை வாங்கினால், தனியாக கண்ணாடியை எடுத்து செல்ல வேண்டாம். சில விநாடியில் அழகை அதிகரித்துக் காட்ட இனி ஒரு மேக்கப் மூட்டையை சுமக்க வேண்டிய அவசியம் இல்லைதானே.